Gott að einhverjir standa vaktina

Það er frábært að VG ætli að standa vaktina til verndar umhverfinu og skynsamlegri auðlindanýtingu. Álver eru dæmi um gamaldags hugsun og þá villu að það sé hægt að leysa öll mál með stórri og dýrri allsherjarlausn. Það er búið að sýna fram á að við þurfum á allt annarri hugsun að halda en því að fara í enn eitt stóriðjuruglið. Fjárfestingin skilar takmörkuðu, aðgerðirnar eru skaðlegar og óafturkræfar fyrir umhverfið og saman gerir þetta að þetta er léleg nýting á auðlind til lengri tíma litið. Nær væri að beina krafti í nýsköpun og smærri fyrirtæki sem skila mun meira til samfélagsins en svona bull. En það eru sterkir hagsmunaaðilar sem vilja skara eld að sinni köku og hugsa fyrst og fremst um eigin skammtímagróða en ekki heildarhagsmuni sem reka stóriðjumálin áfram og það er gott að þingmenn VG eru tilbúnir að berjast gegn þeim.

Steingrímur á móti Helguvík

Athugasemdir

[Skúli (IP-tala skráð) 6.3.2009 kl. 14:36]

Haft hefur verið eftir Goebbels að lygina þyrfti bara að endurtaka nógu oft og þá yrði henni trúað. Þannig er það með áróður andstæðinga álvinnslu og annarrar stóriðju. Bölmóðurinn er endurtekinn í síbylju og enginn þarf að hafa fyrir að færa minnstu rök fyrir bullinu.

[Benni (IP-tala skráð) 6.3.2009 kl. 14:53]

Heyr, heyr.

[Benni (IP-tala skráð) 6.3.2009 kl. 14:56]

Tek fram að heyr heyr var fyrir grein Friðriks, ekki kommenti Skúla.

[Brynjar (IP-tala skráð) 6.3.2009 kl. 15:22]

HEYR HEYR, tek fram að HEYR HEYR er fyrir kommenti Skúla en ekki grein Friðriks.

Ég er einn af þeim sem hef haft tekjur af byggingu álvera og álvinnslu.

[Friðrik Dagur Arnarson, 6.3.2009 kl. 17:51]

Það er alveg rétt haft eftir Goebbels þetta með lygina. Og sannast enn og aftur í málflutningi álverssinna, að við verðum að fá álver því annars komi ekki neitt. Það er búið að messa þetta yfir þjóðinni svo lengi að sumir eru farnir að trúa þessu. Álver eru ekki bjargræði sem leysa allan vanda, hvert starf sem fæst er feikilega dýrt og afraksturinn til þjóðarbúsins er ekki í samræmi við tilkostnað. Raforka er seld á lágu verði og virkjanir sýna ekki hagnað nema með reikningskúnstum, svo sem því að meta land sem spillist á kr. 0 og glötuð tækifæri í öðrum atvinnugreinum á sama verði. Auðvitað fást tekjur meðan verið er að byggja, en oft standa svæðin verr að vígi eftir að framkvæmdum lýkur því fyrirtæki sem fyrir voru á staðnum verða gjarnan undir í samkeppni við aðkomið atvinnulíf á byggingartímanum, sem síðan hverfur á braut. Og þá er lítið eftir. Ég skil vel að þeir sem horfa fram á tekjumissi, ef ekki verður af byggingu álvers, séu áhyggjufullir, en ég trúi varla öðru en menn vilji líka spá í það hvort ekki er verið að fórna meiri hagsmunum fyrir minni með stóriðjustefnunni og hvort slíkt muni ekki koma niður á þjóðinni í framtíðinni.

[Kári Þorgrímsson (IP-tala skráð) 6.3.2009 kl. 18:39]

Sæll Diddi minn!!

Vissi ekki af þessu bloggi þínu,en gott að sjá að einhver standi vaktina fyrir sunnan,gangi þér vel í prófkjöri og gaman væri að sjá þig í ræðupúlti á þingi:)

Bestu kveðjur af hólnum í Garði við hið fagra Mývatn.!!

Jóka

[Friðrik Dagur Arnarson, 6.3.2009 kl. 19:51]

Takk fyrir kveðjuna Jóka og Brynjar, Benni og Skúli, bestu þakkir fyrir athugasemdir ykkar.

[nafnlaust (IP-tala skráð) 7.3.2009 kl. 03:39]

djölfulsins bull er þetta alltaf í þér maður