Heiðarleiki Sjálfstæðismanna

Það virðist sama hvar borið er niður þessa dagana hjá sjálfstæðismönnum. Alls staðar eru dæmin um það hvernig staðið er óheiðarlega að málum. Styrkjamálið er dæmi um stefnu og heiðarleika þessa flokks í hnotskurn, að fara í kringum lög og skara eld að eigin köku án siðrænna viðmiða. Og svo taka þeir niðurstöður fólks sem hefur vit á hlutum og gera að sínum án þess að fara rétt með, eins og þessi frétt ber vitni um. Siðferðiskennd fólks sem svona hagar sér aftur og aftur og ítrekað er ansi brengluð og í raun með ólíkindum að þessi flokkur skuli enn mælast yfir 20% í skoðanakönnunum. Það er enn ein brenglunin sem vonandi fer að eldast af þjóðinni.

Frábiðja sér misnotkun í pólitískum tilgangi

Athugasemdir

[Ragnar Gunnlaugsson, 11.4.2009 kl. 16:46]

Mér sýnist nú aðrir flokkar hafi fengið ríkulega styrki líka, en það hentar nú ekki að tala um það.

[Hugi (IP-tala skráð) 11.4.2009 kl. 16:54]

Ragnar, þegar þú segir aðrir flokkar, þá meinarðu væntanlega "aðrir flokkar en VG" þar sem VG hefur hreinan skjöld hvað þetta varðar.

En burtséð frá því er það alltaf leitt þegar fólk reynir að réttlæta eigið sukk með sukki annarra.

[Elías Þórsson (IP-tala skráð) 11.4.2009 kl. 16:56]

Ragnar auðvitað er það rétt, en það er nú töluverður munur á því sem Sjálfstæðisflokkurinn hefur fengið og svo hinir flokkarnir.

[Ingólfur Ásgeir Jóhannesson, 16.4.2009 kl. 07:29]

Heiðarleikastig verður ekki mælt í því hversu háir styrkirnir voru heldur því hvernig staðið var að styrkjaöfluninni og tilraunum til að fela og því hvernig forystumenn á borð við Guðlaug Þór ljúga þar til er rekið ofan í þá. En það hefur núna flysjast utan af íhaldinu eins og lauk. En vitið þið að núna er samkvæmisleikurinn góði orðinn "Hvað ætlar þú að gera við peningana sem FL Group og Landsbankinn gáfu þér?"